Сұрақ: Сотпен ажырасқан ерлі-зайыпты қайта қосыла ала ма?
Жауап: Отбасы ұғымы қасиетті. Отбасын сақтап қалу өте маңызды. Ерлі-зайыптылар арасында жанжал болуы қалыпты жағдай. Орынсыз ашуға, нәпсіге ерік беріп ажырасып кету – құптарлық іс емес. Неке ерлі-зайыптылардың біреуінің не екеуінің бірдей қалауымен тоқтатылады. Ажырасу сотта заңда белгіленген тәртіп бойынша іске асырылады.
Ерлі-зайыптылар қателікке бой алдырғанын түсініп, өкініп қайта қосылуға ниеттенсе, заңда көрсетілген тәртіппен жүргізіледі. Көңілдегі күдіктен арылу үшін жергілікті мешіт қызметкерлеріне жүгініп, шариғатқа сәйкес некесін жаңалатып алғаны абзал. Мәһр, куә мәселелері бойынша неке барысында мешіт қызметкерлерінен сұрауына болады.
Икрам АЙТАЕВ
