Кеше президенттік сайлауда жеңіске жеткен АҚШ-тың 47-ші президенті Д.Трамп Флорида штатында жақтастары алдында сөз сөйлеп, алдағы төрт жыл ішінде атқаратын жұмыстары мен ұстанатын саяси бағыттары жайында мәлім етті. Оның ең маңызды ауызға алған сөзінің бірі – әлемде болып жатқан соғыстарды тоқтату туралы шешімі.
«Менің каденциям кезінде ешқандай соғыс болмайды. Мен соғысты тоқтатамын. Осыған дейін 4 жылдық президенттігім кезінде де соғыстар болмаған. Сол уақытта біз ДАИШ-ті (Қазақстанда тыйым салынған ұйым – ескерту.) жеңдік. Мен соғысты бастау үшін емес, тоқтату үшін келдім» деді ол.
