Сұрақ: Діни оқу орнына түскім келеді…
Жауап: Қазіргі таңда елімізде діни білім алуға жан-жақты мүмкіндік жасалған. Ғылым және жоғары білім министрлігі бекіткен Білім беру бағдарламаларына сәйкес жоғарғы оқу орындары жұмыс жасайды.
Еліміздегі «Нұр – Мүбарак» Египет ислам мәдениеті университеті, Әл-Фараби атындағы ҚазҰУ, Қарағанды қаласы Е.А.Бөкетов атындағы ҚарМУ, Астана қаласы Л.Н.Гумилев атындағы ЕҰУ, Түркістан қаласы Х.А.Ясауи атындағы ХҚТУ, Шымкент қаласы М.Әуезов атындағы Оңтүстік Қазақстан университеті, Өзбекәлі Жәнібеков атындағы Оңтүстік Қазақстан педагогикалық университеттерінің арнайы кафедраларында «Дінтану», «Теология», «Исламтану» «Дінтану және философия» мамандығы бойынша кадрлар дайындайды.
Дінтану мамандығына ҰБТ-ның «Қазақстан тарихы» мен «Оқу сауаттылығы» пәндері баллдарының негізінде аталған оқу орындарында шығармашылық емтихандардың нәтижесінен кейін оқуға түседі.
Жоғарғы оқу орындарына түсу ҰБТ арқылы жүргізіледі. ҰБТ-ға қатысу үшін Ұлттық тестілеу орталығының app.testcenter.kz сайты немесе UTO қосымшасы арқылы тіркелуге болады. Бірінші тест тапсыру мерзімі жаз айларында өткізілді.
Келесі жылы көктемде жоғарыдағы аталған оқу орындарының студенттерді қабылдау бойынша жауапты хатшысына жүгініп, қосымша ақпараттарды білуіңізге болады.
Икрам АЙТАЕВ
