Отандық Жоғарғы оқу орындары студенттерінің арасындағы Нұр-Мүбарак университеті ұйымдастырған ІІІ Республикалық Құран жарысы еліміздегі қари жастардың көбейіп келе жатқанын сүйіншіледі. Қасиетті Құран түскен берекелі Рамазанда өтетін бұл жарысқа биыл 17 оқу орнынан студенттер өтініш білдіріп, 13-нен қатысқан. Бұл жайлы университет проректоры, PhD доктор Қайрат Құрманбаев хабарлады. Исламтану кафедрасының ұйытқы болуымен 4 деңгейде өткен (1,3,10 парадан және толық Құран) жарысқа қатысқан 123 қариға 20 оқытушы-профессор төрелік жасады.
Марапаттау салтанатында каракөз қарилардың көбейгеніне қуанышын білдірген наиб мүфти Кенжеәлі қажы Қоңыратбайұлы алқалы жұртқа ҚМДБ төрағасы, Бас мүфти Наурызбай қажы Тағанұлының сәлемін арнайы жеткізді. Сондай-ақ Тәуелсіздіктің алғашқы жылдары хатым жасайтын қариларды шетелден алғызған кездерді еске алып, білімді жастардың көбеюіне ұйытқы Нұр-Мүбарак университетіне алғысын білдірді. Ал университет ректоры, профессор Мұхаммад аш-Шаххат Алла сөзін жаттаған барлық қатысушыны жеңімпаз деп бағалап, алғысын жаудырды.
Проректор, PhD доктор Қ.Құрманбаев Құранның құндылығына тоқталып, жастарды соған сай амал ету арқылы, қоғамға ықпал етуге шақырды. Бұл Құран жарысында 1 парадан НМУ-дан өзге ЖОО студенттері қатысатынын айта кетейік. Сондықтан марапаттау рәсімі өзге мамандыққа машықтанса да, Құранға деген құрметі жоғары жастардан басталды.
1 пара
- Тайтелиев Шоқан (Қарағанды МУ) – 200 000 тг;
- Фархатұлы Батыр (Құрманғазы ат.ҚҰК) – 175 000 тг;
- Нұр-Мүрат Нұрислам Ғ.Даукеев ат.АЭБУ)– 150 000 тг.
3 пара
- Ергешов Акмал – 225 000 тг;
- Аханова Дария – 200 000 тг;
- Мұхаммеджанұлы Бақытжан – 175 000 тг.
10 пара
- Сайфиддинов Мұхамеджан – 350 000;
- Ргелов Ермек – 300 000 тг;
- Бекжан Нұржанұлы – 250 000 тг.
30 пара
- Алижанов Ағзамжан – Умра + 150 мың тг;
- Жұманазар Ермек – 500 000 тг;
- Сәндібек Азиз – 400 000 тг.
Жеңімпазға умра жолдамасын «Turan Group» компаниясы ұсынды. Жарыстың модераторы әрі үйлестіруші аға оқытушы, PhD доктор Абдусаммад Данияр қатысушылар жылдан жылға артып келе жатқандығын атап өтті. Биыл қарилар С.Демирель Университеті, Қорқыт Ата ат. Қызылорда университеті, Қ. И. Сәтбаев ат. ҚазҰТЗУ, ТИГУ (Тараз), С. Ж. Асфендияров ат. ҚҰМУ, Абай ат. ҚазҰПУ, АТУ, Халықаралық Ақпараттық Технология Университеті, Ғ.Даукеев атындағы АЭБУ, Еуразия ТУ, Әл-Фараби ат. ҚазҰУ, Қарағанды МУ, Д. Қонаев ат. АТК, Құрманғазы ат.ҚазҰК, Ә.Қуатбеков ат. ХДУ, Қазақстан-Ресей медуниверситетінен қатысқанын айта кетейік.
