Ежелден қазақ халқының түсінігінде әйел адамның орны ұлт болып қалыптасқанымыздан бастап өте жоғары бағаланған. Оларды құрметтеу, жанашырлық таныту – ұлтымыздың басты міндеті. Осы орайда, аймақтағы әйел-қыздар жамағаттары арасында «Қоғам дамуы мен рухани жаңғырудағы әйел-ананың рөлі» тақырыбындағы дөңгелек үстел өтті.
Қызылорда облысының дін істері басқармасының бөлім басшысы Г. Романқұлова “Дін мәселелерін зерттеу орталығы” КММ-нің ұйымдастыруымен әйел-қыздар жамағаттары арасында өткен кездесуді ашып берді. Сондай-ақ жиында орталықтың психолог, аға маманы Қ.Қойшыбаева модератор болып, «Ақмешіт-Сырдария» орталық мешітінің ұстазы Л.Сыдықоваға, Қазақстан Республикасы Президенті жанындағы мемлекеттік басқару акедемиясының Қызылорда облысы бойынша филиалының доценті А.Аяғановаға сөз беріп, бір топ әйел-қыздар жамағаты өз пікірлерін білдірді.
Қалалық “Нұр” мешітінде өткен шарада «Қазіргі Қазақстан қоғамның рухани-өнегелік жаңғыруындағы әйелдердің орны», «Өзгермелі әлем: біз және қоғам», сонымен қатар «Қызылорда облысының дін істері басқармасының Дін мәселелерін зерттеу орталығы» КММ аға маманы А.Дүйсенбаева «Зайырлы қоғамдағы – қыз баланың рөлі» тақыбырында баяндама оқыды.
Жиын соңында қоғамдағы өзекті тақырыптар, оның ішінде әйел-аналардың отбасындағы рөлі мен орны, қыздар психологиясы жайында сөз болды.
Қызылорда облысы Дін мәселелерін зерттеу орталығы
