Сатушы:
– Ия, деп мүміндердің әмірі Әлиге екі көйлекті ұсынады: біріншісі үш дирһам, екіншісі екі дирһам тұратын еді.
Әли бірінші (үш дирһамды) көйлекті ұлына беріп, екіншісін (екі дирһамдыны) өзіне қалдырады. Сонда әкесінің бұл әрекетіне таң қалған ұлы:
– Уа, мүміндердің әмірі! Мына көйлекті өзіңіз алыңыз. Сіз мінбеге шығасыз, халыққа насихат айтасыз – дейді.
Имам Әли:
– Мен Әлимін. Рас, мінбеге көтерілемін, халыққа уағыз жеткіземін. Ал сен жас жігітсің. Сенде жастықтың шаттығы бар. Мен өзімді сенен артық көруге Раббымнан ұяламын. Күмәнсіз, мен Алла елшісінің (с.ғ.с.): Оларды өздерің киген киімнен киіндіріңдер, оларға өздерің азықтанатын тағамнан беріңдер – дегенін есіттім – деп бағалырақ көйлекті ұлына ұсынады.
Әңгімеден шығатын түйін:
– Отбасын асыраудың маңыздылығы;
– Отбасы алдындағы жауапкершілік;
– Бала тәрбиесінің орны;
– Пайғамбардың айтқан насихаттарына амал ету және т.б.
Жалғас Садуахасұлы
