Дінтану бакалаврларын еліміздегі Л.Н Гумилев атындағы Еуразия Ұлттық университетінің Дінтану кафедрасы, әл-Фараби атындағы Қазақ Ұлттық университетінің Дінтану және мәдениеттану кафедрасы, Е.А.Букетов атындағы Қарағанды мемлекеттік университетінің Философия және мәдениет теориясы кафедрасы, «Нұр-Мүбарак» Египет ислам мәдениеті университетінің Дінтану кафедрасы, Қ.А.Ясауи атындағы Халықаралық қазақ-түрік университетінің Дінтану және теология кафедрасы, Шет тілдер және іскерлік карьера университетінің Дінтану кафедрасы даярлайды.
Аталған оқу орындарының ішінде Қарағанды мемлекеттік университетінен басқа барлық білім мекемелерінде дінтану мамандығы бойынша магистратура ашылған. Әл-Фараби атындағы Қазақ Ұлттық университеті мен «Нұр-Мүбарак» Египет ислам мәдениеті университеті дінтану мамандығы бойынша PhD докторларын даярлайды.
Қазіргі таңда елімізде дінтану бакалавриатында барлығы 493 студент (1 курста – 110, 2 курста – 116, 3 курста – 134, 4 курста – 133) білім алуда.
Магистратура бөлімінде 120 магистрант (1 курста – 62, 2 курста – 58) оқиды. Ал докторантурада 8 докторант білімін тереңдетілген ғылыми ізденістермен ұштастыруда.
Яғни республика бойынша барлығы 621 жоғары білімді дінтанушы маман даярлануда.
Елімізде жыл сайын орта есеппен 200-ге жуық дінтану мамандары жоғары оқу орнын бітіріп, өндіріске араласып келеді.
