Биылғы Ашура күні үстіміздегі жылдың 3-қарашасына тура келеді. Яғни келесі атпаның дүйсенбі күніне сәйкес келмек.
Кейбір Ислам ғалымдары Ашура күні нәпіл ораза тұтумен қатар, әке-шеше, бала-шаға, ағайын-туысқа көбірек сыйлық үлестірген жөн деп есептейді. Өйткені, Бәйһақи риуаят еткен Әбу Һурайрадан (ра.) жеткен хадистердің бірінде Алланың Елшісі (с.а.с.): «Кім Ашура күні отбасына кеңдік көрсетсе (сый берсе), Алла оған жыл бойы кеңдік көрсетеді», – деген.
Алайда, Ашура күні арнайылап жалпыға бірдей той-думан күніне айналдырып, Ислам шариғатына қайшы іс-әрекеттер жасап шектен шығуға болмайтынын да ескерген жөн.
