Қырғызстандық бір қажының айтып берген оқиғасы:
«Алла Тағаланың үйі – Бәйтулла сондай бір ұлық жер, ол жерге барған кісілердің дәрежесі өте биік болады. Олар Алла Тағаланың қонағы – «дуйуфур Рахман» деп аталады. Алла Тағала берген осындай мәртебенің қадірін қажылыққа, умраға барғандар білу керек.
Егер, сол жерде қажыға барушы қателік жасап, ойдан-пікірден адасатын болса, бір керемет муғжизасымен дереу тәрбиелеп қояды. Менің басымнан өткен бір оқиға болған, соны айтып берейін.
Меккеде «Батул» деген қонақ үйде тұрдық. Сол қонақ үйде қажылардың қызметін жасап, дәретханаларды тазалап жұмыс істейтін тазалаушы бір қара нәсілді жігіт бар еді. Бір қарағандакөз тартпаса да, адамдармен мәмілесі жақсы, әдепті жігіт болатын. Барлық адамдарға бірінші болып сәлем беретін. Ешкім одан бұрын оған сәлем бере алмайтын. «Ассаламуғалейкум!» деп сәлем беріп, күліп қарап, ыңғайы келсе қол алысушы еді.
Бір күні екеуіміз астыңғы қабатта кездесіп қалдық. Менен: «Сіз қай жақтансыз?» деп сұрады. Біз Қырғызстаннан келсек де, Бухариден бір хадис білсек те, білмесек те: «Бухаримыз»деп айтатынбыз. Мен де сол сияқты «Бухаримын» деп айтып едіп, мені құшақтап қуанып кетті.
Өзінің қай жерден екенін сұрап едім, Африканың бір елін айтты.
Содан кейін екеуіміз лифтге міндік. Сол кезде ол менен: «Сіз Құранды жақсы білесіз бе?»деп сұрады. Мен болсам: «Иә, мен жақсы білемін, керемет білемін» деп айтып, бірақ «Әлхәмдулилләһ ( Аллаға шүкір)» демеппін.
Лифтіге кірген соң, лифтінің нүктелері бір, екі, үш болып тұрады емес пе? Ол жетіншіні, мен сегізіншіні бастым. Қарасақ, 78 деген сан пайда болып қалды. Әлгі жігіт болса, күлімсіреп қарады да: «Сіз «Бақара» сүресінен 78 аятты оқып беріңізші», деді.
Мен болсам: «Кітапты қарамасам, қайдан білейін 78 аят қайсы екенін? Мен кітапқа қарап, содан кейін айтайын», десем, ол жымиып қойды.
Одан кейін 7-қабатқа келгенде, ол түсіп бара жатып, мойнымнан құшақтап: «Құранды жақсылап үйрену керек», деп айтты.
Неге олай айтты екен деп ойлап, өз қабатымына шыққан соң, дереу бөлмеме барып, Құранды ашып, әлгі аятты оқыдым.
Аятты ашып қарасам: «Олардың ішінде надандары да бар. Кітапты білмейді. Олар тек қана үйретіндіні және бос ойларды ғана ойлайды», деп жазылған екен. (Бақара: 78)
Әлгі тазалықшы африкалық жігіт Құранның аятының нөмірін де, мағынасына да біледі екен.Ал, мен болсам «Құранды білемін» деп айтып, ұятты болып қалдым.
Алла Тағала сол 78 деген санға түсіргеніне де таң қалдым. Алла Тағала мен «Құранды жақсы білемін» деп мақтанғанда, маған осы аятты келтіріп, үлкен сабақ беріп қойды.
Адам баласы ешуақытта «білімді болдым» деп мақтанбау керек. Ілім-білімді енді меңгердім деген уақытта, білмеген нәрсесінің жаңа есігі ашылады екен.
Алла баршамызға пайдалы білім берсін», деп сөзін аяқтады.
Дайындаған Қуат ҚАБДОЛДА
