Израиль әскері атысты тоқтату режиміне қарамастан, Газа секторына күн сайын дерлік соққы беруді жалғастырып отыр.
Израиль армиясының Газа секторына жасаған соңғы шабуылдарынан қаза тапқандар саны үш адамға жетті. Бұл шабуылдар атысты тоқтату режиміне қарамастан жасалған.
Ауруханадағы дереккөздердің мәліметінше, бүгін таңертең Хан-Юнистің батысындағы әл-Маваси ауданында Израиль әскері азаматтық көлікке соққы жасаған. Соның салдарынан тағы бір палестиналық қаза тапты.
Израильдің ұшқышсыз ұшағы жасаған соққыдан кейін бастапқыда бір адамның қаза болғаны хабарланған болатын.
Осылайша әл-Маваси ауданындағы шабуылдан қаза тапқандар саны екі адамға жетті.
Бұдан бөлек, кеше кешке Хан-Юнистің солтүстігіндегі Сатыр ауданында Израиль әскери қызметшілері ашқан оқтан жараланған 24 жастағы палестиналық Яхья Абу Самур бүгін таңертең көз жұмды.
Израиль армиясы 2025 жылғы 10 қазанда күшіне енген атысты тоқтату режиміне қарамастан, Газа секторына күн сайын дерлік соққы жасауды жалғастырып келеді.
