Сұрақ: Құранда қандай тақырыптар қамтылған?
Жауап: Құранда жүз он төрт сүре бар. Әр сүре аяттардан құралған. Құранның мазмұны өте кең. Исламтанушы ғалымдар Құрандағы ақида (сенім мәселесі), ғибадат, ислам құқықтары, адамгершілік және тәрбие, әдеп, тазалық, пайғамбарлар қиссасы, ақырет мәселесі, жаратылыс және ғалам туралы т.б. мәселелерін зерттеп кітапқа түсірген.
Қазіргі таңда аталған еңбектерде ақидаға қатысты Алланың бірлігі, періштелерге, пайғамбарларға, ақырет күніне, тағдырға сену мәселесі, Ислам құқығында намаз, ораза, зекет, қажылық мәселесі, отбасы құқығы, неке және талақ, мұрагерлік, сауда-саттық, қоғамдық қатынас, адамгершілік пен адалдық, сабыр, әділдік, мейірімділік, өтірік пен зұлымдықтан сақтану мәселесі, жиырма бес пайғамбардың аты мен оқиғалары, адамның жаратылысы, аспан мен жердің жаратылуы, табиғат құбылысы, Алланың ұлықтығы мәселелері кең баяндалған.
ҚМДБ-ның ресми дереккөздері мен діни еңбектерінен толығырақ ақпарат алуға болады.
Икрам АЙТАЕВ
