Сұрақ: Ниқап тағуға не үшін тыйым салынды?
Жауап: Қазіргі таңда қоғамдық орындарда бет-аузын тұмшалап алған азаматтардың кім екендігін анықтау мүмкін емес. Бет-аузын тұмшалаған азаматтар мүмкін қоғамға қауіпті шығар. Сондықтан қоғамдық орындарда бет-әлпетті тұмшалауға тыйым енгізілді.
Тыйымдардың ішінде ниқаб, паранжа, маска және бетті жауап тұратын басқа да элементтер жатады. Бұл талап дінге қатысты қабылданған шара емес. Оның мақсаты – қоғамның қауіпсіздігін қамтамасыз ету.
Егер қоғамдық орындарда аталған белгілер анықталса, әкімшілік жауапкершілік қаралған. ӘҚБК-нің 434-3 бабының 1-тармағында: «Қазақстан Республикасы заңдарының талаптарын, қызметтік (лауазымдық, еңбек) міндеттерін орындау үшін, медициналық мақсаттарда, азаматтық қорғау үшін, ауа райы жағдайларында, сондай-ақ спорттық, спорттық бұқаралық және мәдени-бұқаралық іс-шараларға тікелей қатысатын адамдарға қажет болатын жағдайларды қоспағанда, Қазақстан Республикасының қоғамдық орындарында бет-әлпетті тануға кедергі келтіретін киім-кешекті киіп жүру туралы заңнамасының талаптарын бұзу».
Аталған жағдай бірінші рет ескертумен басталып, бір жыл ішінде қайталап жасалса, он айлық есептік көрсеткіш мөлшерінде айыппұл салуға алып келетінін ескергеніміз жөн. Қоғамның тұрақтылығын сақтау баршаға міндет.
Икрам АЙТАЕВ
