Сұрақ: Исламдағы Таухид түсінігі деген не?
Жауап: Таухид – жалғыз, бір деген ұғымды білдіреді. Яғни, Алла Тағала жалғыз, Оның серігі жоқ деп иман келтіру. Тереңірек айтқанда, Алла ақыл-оймен елестете алатын бейнелерден пәк. Адамның санасындағы қандай да бір елеспен, бейнемен Алланы сипаттауға болмайды.
Дәстүрлі Исламда Ол барлық кемшілік атаулыдан ада деп иман келтіру – парыз. Қазіргі таңда кейбір діни топтар дәстүрлі діннің негіздерін терең білмей Алла Тағаланы өзінің санасындағы бейнелермен сипаттап адасып жүр. Өзінің пайымымен жүрмегендерді түрлі діни үкімдермен айыптап, дәстүрлі Ислам дінінің қалпын бұзуда. Мұндай діни топтарға ергендер тек бүлікке кез болып, адасушылыққа бой алдырады.
Пайғамбарымыз (с.а.у.) жиырма үш жылда Ислам таухидінің негіздерін баяндап, толық қалыптастырды. Дәстүрлі Исламды түсіндіретін ҚМДБ-нің діни ақпараттарына жүгінгеніңіз абзал болады.
Икрам АЙТАЕВ
