Сұрақ: Исламда қандай қасиетті түндер бар?
Жауап: Исламда қасиетті күндер мен түндер жайлы ақпараттар көп баяндалған. Ол уақыттарда күндіз ораза ұстап, түндері құлшылық жасауда үлкен сауаптар бар екендігі айтылған. Сол түндерде оқылған дұғалар мен тәубелер қабыл болады деген.
Бұл түндері қаза намаздарды оқу, Құран оқу, дұға, тәубе ету, садақа беру т.б. сынды қайырлы іспен айланысу – сауапты амал. Айлар мен күндердің жаманы болмайды. Аталған түндер: Ережеп айының алғашқы жұма түні «Рағайып түні» деп аталады. Ережеп айының 27-ші түні. Бұл – Миғраж түні. Осы түні Пайғамбарымыз (с.а.у.) көкке көтерілген түн. Шағбан айының он бесінші түні – «Бәраат түні». Бұл түн кешірім, ризық түні. Рамазан айының 27-ші түні – «Қадір түні»(Ләйләтул-қадр). Сондай ақ, арафа түні. Арапа күні мен құрбан айт мерекесінің 1-күні арасындағы түн.
Басқа да, қасиетті хижри айлары мен күндері жайлы хадистерде кең мәліметтер айтылған. Жоғарыдағы түндер жайлы кең ақпараттарды ҚМДБ-нің ресми сайттарынан алуға болады. Ең бастысы шынайы ықыласпен орындалған игі-амалдар Алланың қасында қайырлы екенін ұмытпайық.
Икрам АЙТАЕВ
