Сұрақ: Құдайы аста жас балаға Құран оқытуға бола ма?
Жауап: Құдайы ас берудің мақсаты – дүние салған адамдардың рухына белгілі Құран аяттарын оқып, дұға жасау. Құран аяттары арқылы дұға жасау – шариғатта құптарлық қайырлы іс. Ас беру және басқа да діни шараларды өткізу үшін жергілікті мешіттің имамын шақырған абзал. Имам діни танымдық насихаттар мен діни рәсімдерін өз деңгейінде өткізеді.
Жас баланың отбасында Құран оқып, дұға жасуы – жақсы әдеттерден. Ал үлкен игі іс-шаралардың соңында Құран оқылып, дұғалар жасалады. Ас беру барысында Құран сүрелерінен хабары бар жас жігітке Құран оқуына ұсыныс беріліп, қасындағы үлкен кісілер батасын берсе әдепке сай келеді.
Икрам АЙТАЕВ
