Сұрақ: Әдептілік деген не?
Жауап: Әдеп – араб тілінен енген сөз. Әдептілік – адамдар арасындағы қарым-қатынаста сыпайы болу, жұмсақ сөйлеу және оқыс қылықтардан аулақ болу. Адамның тұла бойында қалыптасқан барлық жақсы және жағымды қасиеттердің бірлігі.
Әдептілікке жат мінездер: менменшілдік, өр көкіректік, өзімшілдік, кісі танымастық, жағымпаздық, арамдық, жабайылық т.б. Адам қоғамда өз орнын тауып, әдептілік қағидасымен қарым-қатынаста болса, мақсатына жетеді. Әдепсіздік мінезі басым болса, адамдармен қарым-қатынасы бұзылып, қоғамға кері әсерін тигізеді.
Қазақ халқы өзінің әдет-ғұрпында, салт-санасында, дәстүрінде әдептілік қағидаларына аса жоғары мән берген. Отбасылық рухани тәрбиеге қанып өскен бала «әдепті» болады. Пайғамбармыздың (с.а.у.) хадисінде: «Бала-шағаларыңды әдепті, тәрбиелі етіп өсіріңдер» деген.
Икрам АЙТАЕВ
