Интернетте белгілі имам Әбдіжаппар Смановтың аяғын уқалаған балалардың видеосы кең таратып, талқыға түсіп жатыр. Осыған орай Абдулаха Сманов әлеуметтік желіде түсініктеме берді.
“Осы мәселені тарқата кетсем: Бұл жерде атамыздың аяғын уқалап жатқан балалар – атамыздың өзінің немерелері! Ешқашан атамыз өзге адамдарға аяғын уқалатқан емес! Тек өз балаларына және немерелеріне тәрбиелік тұрғыда аяғын уқалауына рұқсат еткен! Тәрбиелік тұрғыда дейтінім, біз қазақ әрқашан үлкеннің қолына су құйып, атаның қызметін жасап, батасын алуға талпынған халықпыз!
Өзіміз де, марқұм әкемізге және атамызға қызмет етіп өстік, батасын алуғы тырыстық, одан кем болған жоқпыз!” деп жазды ол.
