Сұрақ: Отандық діни оқу орындарының ерекшелігі неде?
Жауап: Кезінде жастар білім алуға ниеттеніп, діни білімдерін түрік, араб елдерінде шыңдауға қызығушылық танытатын. Қазіргі таңда шетелде діни білім алуға негіз жоқ. Себебі отандық діни оқу орындарының діни білімі сапалы және қолжетімді.
Оқу орындарында грант және ақылы түрлері қарастырылып гумманитарлық, діни сабақтар да тең жүргізіледі. Жоғары оқу орындарының «дінтану», «исламтану», «теология», «тарих және дінтану», «философия және дінтану» бакалавр мамандықтарына ҰБТ-ның «Қазақстан тарихы» мен «Оқу сауаттылығы» пәндері баллдарының негізінде шығармашылық емтихандар тапсыру арқылы оқуға түсуге болады.
Жоғары оқу орындары: «Нұр-Мүбарак» Египет ислам мәдениеті университеті, Әл-Фараби атындағы ҚазҰУ, Қарағанды қаласы Е.А.Бөкетов атындағы ҚарМУ, Астана қаласы Л.Н.Гумилев атындағы ЕҰУ, Түркістан қаласы Х.А.Ясауи атындағы ХҚТУ, Шымкент қаласы М.Әуезов атындағы Оңтүстік Қазақстан университеті, Өзбекәлі Жәнібеков атындағы Оңтүстік Қазақстан педагогикалық университеттері.
ҚМДБ-ға қарасты 9 медресе колледждер жұмыс жасайды. Коллеждерге 9 және 11 сыныптардан кейін емтихан арқылы түсуге болады. Оқу орнында грант және ақылы түрлері қарастырылан.
Медресе-колледждер атауы: Алматы қаласы, «Әбу Ханифа», Павлодар қаласы, «Әбу Бәкір Сыддық», «Ақтөбе», «Астана», «Орал», «Сарыағаш», «Һибатулла Тарази», Алматы облысы, «Үшқоңыр» (Шамалған), «Шымкент» медресе колледждері.
Икрам АЙТАЕВ
