Сұрақ: Пойызда Құран оқуға бола ма?
Жауап: Құран – мұсылман адамның өмірімен тығыз байланысты. Бұл екі ұғымды бір-бірінен ажыратып қарау мүмкін емес. Себебі мұсылман Құранды өмірінде (отбасында, қызметте, ұжымда, қоғамда) практикалық түрде қолданады.
Адамның сапарда болуы – өмір заңдылығы, ол «мен сапарда едім» деп Құраннан қол үзіп қалмайды. Құранның басты талабы – Құран оқушының таза, яғни дәретті болуы. Ол кісінің пойызда, автобус ішінде немесе ұшақта болуы маңызды емес. Бастысы Құранды дәретпен ұстауы.
Сонымен қатар Құран оқушы әдептілік сақтап, қасындағы сапарлас адамдардың да мазасын алмауды естен шығармауы маңызды. Бұл жағдайда Құранды ақырын немесе іштей оқыған дұрыс.
Жалғас САДУАХАСҰЛЫ
