Сұрақ: Исламда трайбализм бар ма?
Жауап: Исламда адамды ұлтына, нәсіліне, жынысына немесе түсіне, руы мен жеріне қарап бөлу яки болмаса құптау, қолпаштау жоқ. Пайғамбар (с.ғ.с.) ешқашан ешбір адамды тайпасына, нәсіліне қарап бөлмеген.
Исламдағы негізгі концепция – теңдік. Мысалы, Хабаштаннан келген қара нәсілді Біләл пайғамбардың азаншысы болды. Сол сияқты бір кездері құл болған Зайд ибн Харис ислам әскерінің қолбасшысына дейін көтерілді. Ал енді қоштасу қажылығында пайғамбар:
«…Уа, адамдар! Раббымыз бір, атамыз да бір. Бәріміз Адамның балаларымыз, ал Адам топырақтан жаралған. Алланың деңгейінде ең қасиеттілерің – Аллаға құрмет етіп, әміріне қарсы келуден сақтанғандарың…», – деп адамдарды теңдік пен бірлікке шақырған (Ибн Хишам. Сирату ән-Нәбәуйя).
Жалғас САДУАХАСҰЛЫ
