Етбетімен жату күнә ма?

Сұрақ: «Етбетімен жатуға болмайды» деп естідім. Сол рас па?

Жауап: Ислам дінінде тыйым салынған және жасалынуы күнә болатын іс-әрекеттер бар. Солардың бірі – етбетімен жату, оның үкімі – мәкруһ.

Сахаба Тухфату әл-Ғифари былай дейді: «Мен сәресі уақытында мешітте етбетіммен жатқан едім. Кенет бір кісі мені түртті де: «Мына жатыс Алла Тағаланың қаһарына ұшыратады»,­ – деді. Қарасам: Алла Елшісі (Оған Алланың салауаты мен сәлемі болсын) екен» [Ахмад, Термизи, Әбу Дәуіт] – дейді.

Тағы бір риуаятта: «Бұл тозақтықтардың жатысы», – делінген. Сол секілді, Әбу Һурайрадан (Алла оған разы болсын) жеткен хадисте: «Алла елшісі (Оған Алланың салауаты мен сәлемі болсын) қарнымен жатқан адамды көргенде: «Алла Тағала бұл жатысты жақсы көрмейді» [Термизи], – деген.

Жаңа айды көргенде не айту керек?

28.01.2026

Дем салғанда айтылатын «куф-шуф» деген сөздердің мағынасы қандай?

27.01.2026

Имам Науауи: «Егер біреу ұйықтауға бет алса, оң жағымен жатқаны мустаһаб. Ал етбетімен жату мәкруһ. Сонымен қатар, дәрет алып, Алланы еске алып барып төсегіне жату да сауапты іс» [Мажмуғ шарху әл-Муһзиб, 5/449], – деп жатар алдында айтылатын зікірлерге қатысты бірнеше хадисті келтіреді.

Соның бірі Хузайфадан жеткен хадисте Пайғамбарымыз (Оған Алланың салауаты мен сәлемі болсын) түнгі ұйқыға кетер алдын алақандарыңды жайып былай дұға етіңдер деп мына дұғаны оқыды: «Аллаһуммә бисмикә әмуту уә әхя». (Уа, Алла! Тек Сенің есіміңмен өлеміз және тірілеміз). Ұйқыдан тұрған кезде мына дұғаны оқыңдар деді: «Әлхамдулилләһи әлләзи ахиаана бағда мә әмәәтәнә уә иләйһин-нушур» (Өлгеннен кейін қайта тірілткен Аллаға мадақ болғай! Өлгеннен кейін қайта тірілуіміз тек Оған ғана тән)» [Термизи, №2417], – деген.

Қорыта айтқанда, ер кісіге де, әйелге де етбетімен жатуға тыйым салынады. Алайда, сүннет бойынша оң жағымен жатып, түнде аунап, етбетімен оянатын болса, оның оқасы жоқ. Сондай-ақ, басқа қырымен жатуға мүмкіндік болмаса, зәрулік жағдай болғандығы үшін «Зәрурат кезінде тыйым салынған нәрселерге рұқсат етіледі», «зәрулік белгілі мөлшерімен ғана мөлшерленеді [Ибн Нужәим, әл-Әшбәһу ән-нәзайыр, 73] деген фиқһи қағидаға орай етбетімен жатуға рұқсат.