Астанада Премьер-министрдің орынбасары – Мәдениет және ақпарат министрі Аида Балаева Мемлекет басшысы Қасым-Жомарт Тоқаевтың атынан шіркеу қызметкерлеріне мемлекеттік марапат тапсырды.
Марапаттау рəсімінде Аида Балаева қатысушыларды алдағы Қазақстан халқының бірлігі күнімен құттықтап, дін қызмет- керлері елдегі бейбітшілік пен қоғамдық келісімді нығайтуға, конфессияаралық диалогті дамы- туға, қоғамдағы рухани құнды- лықтарды сақтауға елеулі үлес қосып келе жатқанын атап өтті.
Премьер-министрдің орын- басары елдің күші халықтың бірлігінде екенін, бейбітшілік, тұрақтылық пен қоғамдық келісімді сақтау Қазақстанның одан əрі өркендеуінің берік негізі саналатынын айтты.
«Қазақстан халқының бірлігі күні қарсаңында сіздермен жүздескеніме қуаныштымын. Президент біздің бірлігіміз елдің тұрақтылығы мен дамуының берік тұғыры екенін үнемі айтып
келеді. Қоғамның ынтымағы мен ортақ мақсат жолындағы бірлігі бізге жасампаз еңбек етіп, жаңа биіктерге жетуге мүмкіндік береді. Сіздер бейбітшілік пен қоғамдық келісімді нығайтуға зор үлес қосып келесіздер», деді Аида Балаева.
Дінаралық əріптестікті нығайтуға жəне конфессияара- лық қатынастарды дамытуға қосқан елеулі үлесі үшін Прези- дент Жарлығымен І дəрежелі «Достық» орденімен Астана қаласындағы Қасиетті Мəриям Рим католик архиепархиясының архиепископы-митрополиті Пэта Томаш Бернард, ІІ дəрежелі «Достық» орденімен Қазақстан Республикасындағы Евангелие- лютеран шіркеуінің епископы, басшысы Ростислав Новгородов марапатталды.
