Жағфар Садық – Пайғамбарымыздың (с.ғ.с.) ұрпағынан шыққан табиғин. Өз замандасы ғалым Суфиян Сауриге:
«Ей, Суфиян! Алла Тағала саған бір нығмет берсе, сол жақсылықтың ұзағынан болуын қаласаң шүкіршілік айтуда көбейт. Алла Тағала: «Егер шүкіршілік етсеңдер, әлбетте арттыра түсемін[1]»,-демей ме?!
Ал, ризық-несібең кешігіп жатса, истиғфар айтуды көбейт. Алла Тағала: «Раббыларыңнан кешірім тілеңдер. Ол – Ғаффар, кешіруші. Сендерге жауын-шашынды нөсерлетіп жібереді. Дүниеде мал-дүние және бала-шағамен, ал ақыретте жәннаттармен қамдайды[2]»,-демей ме?!
Ей, Суфиян! Билік иесі немесе басқа біреуден қысым көрсең: «Лә хәулә уә лә қууатә иллә билләһ» сөзін көп айт. Бұл сөз – жақсылықтың кілті. Әрі жәннат қазынасының бірі»,-деген екен.
«Лә хәулә уә лә қууатә иллә билләһ» сөзінің мағынасы – Алланың қалауынсыз жамандықтан құтылу да, жақсылыққа жету де жоқ.
Руслан ҚАМБАР
[1] Ибраһим сүресі, 7-аят
[2] Нұх сүресі, 10-12 аяттар
