Орта Азия мұсылман әйелдерінің ІІ форумына дайындық шараларын және Қазақстан мұсылман әйелдерінің жұмысын орталықтанған негізде ұйымдастыру мәселелерін талқылау осы семинар барысында қаралмақ. Соның аясында өзіңіз қызығушылық білдірген арнайы ақпараттық портал құру, басылымдар шығару, нақты бағдарлама әзірлеп, сол бойынша жұмыс жүргізу мәселелері шешімін табады деп күтілуде.
Семинарды Дін мәселелері жөніндегі ғылыми-зерттеу және талдау орталығы мен Қазақстан мұсылмандарының діни басқармасы бірлесе ұйымдастырмақ. Онда жоғарыда айтылған мәселелермен қатар қазіргі өзекті діни тақырыптарда көптеген дәрістер оқылып, «Қыз Жібек» клубы өкілдерімен кездесу өткізіледі.
Мүмкіндігіңіз болған жағдайда семинар жұмысына келіп қатысуыңызға болады. Қатысатыныңызды алдын ала хабарлау үшін abdirasilkyzy@mail.ru электрондық мекен-жайына хат жолдауыңызға болады.
«Нұр-Мүбәрак» университеті тарапынан келетін қатысушылар құрамына кіруге де мүмкіндігіңіз бар. Ол үшін университет басшылығына өтініш білдіргеніңіз жөн.
Қызығушылық танытқаныңызға рахмет!
