Осы жоғары жиналысқа жолдаған Бас Хатшының хатын оқып беру менде сүйсіну мен құрмет сезімін тудырады.
Сіздер арта түскен төзімсіздік, экстремизм мен озбырлық орын алған кезеңде кездесіп отырсыздар. Таяу Шығыстағы жуырда болған оқиғалар осы тенденцияға тек ушықтырар май құйды. Әлемдік ірі діндердің жақтастары мен жолын қуушылардың арасындағы өзара қарым-қатынас осыдан ерекше зардап шекті.
Егер бұл мәселелерді шешпесек, мұның өзі дүниенің көптеген бөліктеріндегі тұрақтылыққа қауіп төндіруі мүмкін. Осы алаңдатарлық оқиғаларға діни болсын, этникалық болсын, нәсілдік және басқа өзіндік ерекшеліктердің айырмашылығы, әркім өздерінікін ғана ардақтап, басқалардың пікірлерімен және ынта-ықыласымен санасуға тырыспауы бірден-бір түрткі болуда.
Мүдделер мен пікірлерді артық бағалаушылық болатындықтан, олар бойынша келіссөздер жүргізгенімізбен, біз әр діннің өзіндік ерекшеліктеріне қатысты жәйттерді өте сирек талқылаймыз. Міне, осының өзі бүгіндері әр діннің өзіндік ерекшеліктерінің айырмашылықгарын күшейте түсуде.
Сондықтан әлемдегі барлық діндердің лидерлерін бір жерге жинап, өзара пікірлестіру – барынша маңызды. Дінге сенетін адамдар жеке топтар мен жеке адамдардың мінез-құлқына күшті ықпал етеді.
Ұстаздар ретінде, біздің жолбасшыларымыз ретінде Сіздер үлкен өзгерістердің қуатты құралы бола аласыздар. Сіздер адамдарды міндеттеме қабылдаудың жөне қоғамға қызмет етудің жаңа деңгейіне көтеруге, білімсіздік пен қорқыныштағы және түсінбеушіліктегі кедергілердің орнын толтыруға көмектесіп, жігерлендіре аласыздар.
Сіздер дінаралық диалог пен ынтымақтастықтың үлгісі бола аласыздар. Сіздер бірлесе отырып, дінге сенушілер үшін сабырлылық жолын салуға көмектесіп, олардың өз сенімдері мен нанымдарына адал болып қала берулеріне әрі үнемі өзгеріп тұратын әлем істеріне белсенді араласуларына ұйтқы бола аласыздар.
Өткен жылы испан және түрік премьер-министрлерінің ынта көрсетуі жағдайында мен бастамашысы болған мәдениеттілік альянсына да сіздердің талқылауларыңыз маңызды үлес ретінде енуі мүмкін. Бұл ынта-ақылас халықаралық қоғамдастық тарапынан біздің айырмашылықтарымызды өзара түсіністікпен толтырып, әлемге нақты қауіп төндіруі мүмкін теріс ұғыныс, жалған көріністер мен қарама-карсылықтарды жеңіп шығу үшін үкіметаралық әрі азаматтық қоғам деңгейіңде бірлескен күш-жігер жұмсауға бағытталған.
Соңғы кездердегі қатерлі оқиғаларды ескерсек, мақсат-мүддесі ерекше маңызды саналатын сіздердің бұл бас қосуларыңыз түпкі табысқа жетуге берік негіз калайтыны ақиқат. Дәл осы рухта мен съездеріңізді жемісті өткізулеріңізге тілектеспін және сіздерді өз бірлестіктеріңіздің арасында диалог пен бейбіт қатар өмір сүру идеяларын кеңінен таратуға шақырамын. Үлкен рахмет.
Әлемдік және дәстүрлі дін лидерлерінің екінші съезінде сөйлеген сөзінен
