Пайғамбарымыз (Алланың салауаты мен сәлемі оған болсын) Хазіреті Әбу Бәкірден (Алла одан разы болсын):
– Нені жақсы көресіз, ей досым? – деп сұрағанда, ол:
– Иә Расулалла! Менің жүрегім үш нәрседен ғана қуаныш табады: біріншісі, Сіздің жаныңызда отырғаннан; екіншісі, Сіздің жүзіңізге қарап тұрудан; үшіншісі, барлық мал-мүлкімді Сіздің жолыңызда жұмсағанды жақсы көремін, – деп жауап беріпті.
Міне, ғажайып Әбу Бәкірдің (Алла одан разы болсын) жүрегі Пайғамбарымызға (Алланың салауаты мен сәлемі оған болсын) деген махаббатқа толған және Оны (Алланың салауаты мен сәлемі оған болсын) көрумен бақытты болған.
Алла баршамызға осындай махаббатты нәсіп етсін!
Қуат ҚАБДОЛДА
Жоғарыдағы мақаладағы Әбу Бәкірдің (р.а. яғни, Алла одан разы болсын) Пайғамбарымыздың (ғ.с. не ғалейһиссалам яғни Алланың салауаты мен сәлемі оған болсын) жанында отырғанынан, жүзіне қарап тұрудан, барлық мал-мүлкін Оның жолына жұмсағаннан бақыт табуы әр мұсылман мұны жасай алар іс. Яғни, мұсылманның Мәңгілік бақытқа кенелуінің кілті.
Пайғамбар ғ.с. енді қасымызда жоқ болғанда мұндай шапағатқа қалай қол жеткіземіз?
Бұған келесі амалдармен қол жеткізіледі, Алла қаласа: рухани ілім жиюмен (Құран, хадистерді және өңге де рухани ілімдерді зерттеу. Батни (киелі жасырын ілім) яғни, Рух ғ.с. туралы ілімді меңгермек ерен құнға ие) – бұл Пайғамбар ғ.с. (даналығын тыңдап) жанында отырумен тең; ақыл – ой жұмысымен (тафаккурмен яғни ислам медитациясы яғни сопы медитациясымен. Медитация сөзі мәні – ақыл-ой жұмсау дегенді білдіреді. Рух туралы бір сағат ой жүгірту жетпіс жылғы ғибадатпен (намаздар оқумен) пара -пар екені жайлы хадис бұның растығына дәлел.) – бұл Пайғамбар ғ.с. жүзіне қарап тұрумен тең (Өзіңнің Рух әлеміндегі Жаныңды әрі Рухыңды орнықты түрде бақылауың арқылы іштегі Рухи назарыңмен); қызметпен – отбасың, туыстарың, қоғамға , Отанға, мұсылмандарға, адамзатқа риясыз түрдегі көмегің тиюімен (соның ішінде кәдімгі күнделікті наныңды табатын жұмысыңды дұрыс атқаруың арқылы) – бұл барлық мал-мүлкіңді Пайғамбар ғ.с. жолына жұмсаумен тең.
Рух ілімі жайлы тереңірек білуге тілектенсеңіз мына сілтемедегі мақала астындағы Нұр атты аутор комментарийінде керек мәлімет бар: https://kazislam.kz/tus-zhoru-durys-pa/) .