Біреуді кемсіту, мұқату мұсылманға тән қасиет пе?

Сұрақ: Біреуді кемсіту, мұқату мұсылманға тән қасиет пе?

Жауап: Жалпы адамның ақыл-парасат сынды жақсы қасиеттермен ерекше болуы жаратылысқан тән нәрсе. Жақсы адамдармен қоғам тұрақталып, рухани байиды. Адам біреуді кемсіту, мұқату, ғайбаттау сынды жаман қасиеттерімен ерекшеленсе, мейірім жойылып, ыза, кек, көреалмаушылықтың саны артады. Мұндай жағдайларда отбасы күйреп, қоғам рухани азғындайды.

Ислам діні қасиетсіздік пен азғындықты қаралап, мейірімділік пен тату-тәтті өмір сүруді насихаттайды. Пайғамбарымыздың (с.а.у.) тағылымды өмірінде зұлымдық жасаудан, сондай-ақ, біреуді кемсіту мен мұқату сынды дүниелерден қайтарған. Жалпы дін жақсы қасиет иесі болуды насихат етеді. Адам баласының жақсы тәрбиесіне мән беріп, жақсы қасиеттерді бойына сіңдіре білсе, иманды ұрпақ тәрбиелеген болады. Кейін жемісін өзі көреді. Баланы жақсы әдепке баулу саналы әр адамның мақсаты болуы керек.

Пайғамбарымыз (с.а.у.) хадисінде: «Шынайы мүмін – (өзге адамдарды) кемсітіп мұқатушы, қарғыс жаудырып лағынеттеуші, келеңсіз сөздер айтатын бейпіл ауыз және балағатшыл бола алмайды», деген.