Сұрақ: Қан алдыруға бола ма?
Жауап: Хижама мұсылман елдерінде кең таралған денеден қан алдыру әдісі. Халық арасында хижама жасату денсаулыққа пайдалы деген түсінік қалыптасқан. Хижама жасату Исламның парыз, уәжіп амалдарына жатпайды. Хижама жайлы пайғамбарымыздың (с.а.у.) хадистері бар.Бір хадисінде: «Қан алдыруда шипа да, береке де бар» деген. Хижама жасатудың құрғақ хижама түрі – банкі қойылып, вакуум жасалады, бірақ қан шығарылмайды. Ылғалды (қанды) хижама түрі – теріге кішкене тілік жасалып, шыны не бамбуктен жасалған банкілер арқылы аз мөлшерде қан шығарылады. Қазіргі таңда екінің бірі хижама жасауға әуес. Әуестен туындаған мұндай жағдайлар адамның денсаулығына кері әсер тигізіп жатқан мән-жағдайлар кездеседі. Хижама жасау мәселесін медицина аса құптамайды. Себебі инфекция жұқтыру, жараның дұрыс жазылмауы, терең кесілсе қауіптің асқынуларға соқтыратынын алға тартқан. Хижаманы медициналық стандарттарды сақтайтын, тазалыққа мән беретін маманның жасауы өте маңызды екенін ұмытпағанымыз жөн.
Икрам Айтаев
