Сұрақ: Исламда адалдық туралы не айтылған?
Жауап: Адалдық – жоғары қасиеттердің бірі. Ол жайлы Құран аяттары мен хадистерде көп баяндалған.
Адалдық қасиеті мұсылман адамның бойынан табылуы қажет. Соның ішінде Исламның талабы – адал кәсіппен шұғылданып, адал табыспен отбасын асырау. Еңбек етпей біреуден сұрап, масыл болуды Ислам қолдамайды. Кімде-кім бала-шағасын, отбасын адал жолмен асырау мақсатында шынайы еңбектенсе, Алла оның мерейі мен ырысын арттырады. Демек, харам аста береке болмайды. Адал еңбектің берекесін Алла арттырады.
Пайғамбарымыз (с.а.у.) хадисінде: «Бала-шағасын адалынан асырауға тырысып жүрген жан Алла жолында күресушімен тең. Ар-ұятын сақтап, адал дүниені іздегендер шейттермен деңгейлес» деген.
«Бақара» сүресінің 168-аятында: «Уа адамдар! Жер бетіндегі нәрселердің халал әрі тазасынан жеңдер!» деп бұйырған.
Адалдықты ұран етіп, ұрпағымызды адал өмір сүруге тәрбиелуден шаршамайық.
Икрам АЙТАЕВ
