Әлемге әйгілі спринтер, жеңіл атлетикадан әлем чемпионы әрі Олимпиада ойындарының жүлдегері Фред Керли жақында әлеуметтік желіде ерекше мәлімдеме жасады. 30 жастағы спортшы ислам дінін қабылдағанын ресми түрде хабарлады.
Шахаданы айту сәті мешітте өтті. Бұл рухани сәт туралы Керли әсерлі видеомен бөлісіп, жүрек тебірентерлік жазба қалдырды:
«Олар мені сындырамын деді, Алла мені қайта тірілтті. Бүгін мен шахада айттым. Мен таңдалдым. Мен қорғаламын. Мен Отаныма оралдым», – деп жазды ол.
Фред Керлидің бұл қадамы жанкүйерлерінің де, спорттағы әріптестерінің де үлкен қолдауына ие болды. Көпшілігі оның шынайы сенімге бет бұруын құрметпен қабылдап, бұл әрекетті рухани ізденістегі жандарға үлгі боларлық таңдау деп бағалауда.
Ол өзінің дінге келу жолында көптеген күрестер мен ішкі ізденістерден өткені аңғарылады. Исламды қабылдауы — оның жаңа өмірге бастаған маңызды қадамы екені сөзсіз.
