Сұрақ: «Кутубул ситта» деп қандай хадис жинақтарын айтады?
Жауап: Құран мен хадис – Ислам дінінің қайнар көздерінен. Хадис пайғамбарымыздың (с.а.у.) сөздері, істері және мақұлдаулары. Құран Кәрімнен кейінгі, көпдеген діни үкімдер мен амалдардың негізі хадистерден алынады.
Хадистерді жайнақтаудағы мақсат – Мұхаммед (с.а.у.) пайғамбардың сүннетін сақтап, мұсылмандардың дұрыс діни өмір сүруіне жол ашу, дінді бұрмалаудан қорғау және шариғат үкімдерін нақтылап беру болды. Тарих сахнасына алты Мұхаддис (хадис жинаушы) «Кутуб әс-Ситта» (Алты кітап) иелері хадистерді жинақтауда мұсылман қоғамында ойып алар орнын тапты.
Олар: 1. Сахих әл-Бұхари (имам әл-Бұхари); 2. Сахих Муслим (имам Муслим); 3. Сунан Әбу Дәуд (имам Әбу Дауд); 4. Сунан ат-Тирмизи (имам ат-Тирмизи) 5. Сунан ан-Насаи (имам ан-Насаи); 6. Сунан Ибн Мәжа (имам ибн Мәжа).
Аталған кітаптар Ислам дініндегі маңызды хадис жинақтары. Бұлардан басқа да хадис жинақтаушы ғалымдар бар.
Икрам АЙТАЕВ
