Түркияның бұрынғы мүфтиі, дін ғалымы Мехмет Гөрмез кезекті бір дәрісінде былай деді:
«Мен бала кезімнен бастап, Пайғамбарымыздың (с.а.с.): «Расында мен көркем мінезді кемелдендіру үшін жіберілдім» деп айтқан хадисін басқаша түсініп жүріппін. Менің ойымша, Адамнан (а.с.) бастап, барлық пайғамбар соңғы Пайғамбарымызға (с.а.с.) дейін көркем мінезді жетілдіріп әкеліп, соңғы кірпіші болып, толықтырушы болып, Мұхаммед (с.а.с.) келді деп ойлаушы едім.
Сөйтсем, әрбір адам баласы дүниеге сәби болып келгенде, көркем мінез иесі болып туады екен. Алла Тағала Құран Кәрімде: «…Алла жаратылыста адам баласын соған арнап жаратқан…»дейді. («Рум» сүресі, 30)
Сондай-ақ, фитрат дегеніміз хадисте де: «Сәби дүниеге келгенде фитратта, мұсылман болып дүниеге келеді» деп келуі, осы көркем мінезді айтқан екен. (Бұхари)
Ал біз сол сәбидің көркем мінезін ата-анасы болып, қоршаған орта болып не бұзылмай, одан әрі жақсаруына, не бұзып, жаман болуына әсер етеді екенбіз. Ал Пайғамбарымыз (с.а.с.) болса, шын мәнінде сол мінезді кемелдендіру үшін жіберілген».
Дайындаған Қуат ҚАБДОЛДА
