Жәннат пен тозақтың ортасында мекен бар ма?

“Жәннат пен тозақтың ортасында мекен бар ма?” – дейді. Бар, оның аты Ағраф. Ал Жаннаттан да жоғары мекендер бар ма? Бұған төмендегі еңбек мазмұнында жауап берілген.

РУХ ӘЛЕМДЕРІ

(Жалғасы. Басы мына сілтемедегі мақала астындағы Нұр атты аутор комментарийінде:
https://kazislam.kz/tus-zhoru-durys-pa/)

Әр әлемнің (не планның) өзі 7 қабатқа (планшаға не әлемшеге) бөлінеді. Мәселен, физикалық әлемді алайық. Бұл көзге таныс (жоғары эфир қабаттарды айтпағанда), айналамыздағы әлем боп табылады. Бұл әлем (план) 7 қабатқа бөлінеді: тығыз, сұйық, газтәрізді, 4-эфирлік, 3-эфирлік, 2-эфирлік, 1-эфирлік қабаттар. Физикалық әлемнің ең төменгі – тығыз – қабаты кәдімгі минералдар, тас, топырақ, құм қиыршықтары, кристалдар тәрізді қатты денелерден құралады. Физикалық әлемнің сұйық қабаты – ол барша сұйық материядан (мысалы, су) тұрады. Осы әлемнің газтәрізді қабатын газдар мен олардың түрлі қоспалары, яғни газ түріндегі материя (мәселен, ауа) құрайды. 4-эфир қабаты арқылы радио, электромагниттік т.б. толқындар тарайды. 3-эфирлік, 2-эфирлік, 1-эфирлік қабаттардың әрбірінің энергетикалық деңгейі өзінің алдындағыға қарағанда жоғарырақ боп саналады. Ол деңгейлерде сәйкесінше жоғарырақ эфир қайраты (энергиясы) түрлері таралады.

1- сызба Адам құрылысы (бұл сызбаға интернеттегі сілтеме кейінірек беріледі, Құдай қаласа.)

Физикалық әлемді (оның 7 қабатын шартты түрде 2 топқа бөлу арқылы) 2 аумақты құбылыс ретінде қарастыруға болады:
1. Қатты (тығыз), сұйық және газтәрізді денелер аумағы.
2. Төмендегідей 4 қабаттан тұратын эфирлер аумағы:
а) электр (4-эфир);
b) прана не тіршілік энергиясы (3-эфир);
c) жарық (2-эфир);
d) менталдық-шағылыстырушы (1-эфир).
Физикалық әлемдегі қатты, сұйық денелер мен газдар біз оларды өз сезім мүшелерімізбен танып-білетін айналамыздағы материалдық әлемді құрап тұр. 4 эфир қабаттары болса, біз «атмосфера» деп атайтынды құрайды. Бұл эфир қабаттары Жердегі қатты, сұйық және газтәрізді денелердің бойларын кеулеп (олар арқылы еркін бойлай тесіп) өтіп тұр (Адамзатты жоғары ғарыши санаға қарай жетелеуші Киелі «Құдай Еркі Белгілі Орталық» аталатын Рухи орталық осы, адам көзіне көрінбейтін эфирлік қабаттарда орналасыпты деген сенім бар).

Адам денесінің құрылысы да 2 бөліктен тұрады:
1. Тығыз, сұйық және газтәрізді заттардан құралған тығыз физикалық дене.
2. Физикалық дененің дәл копиясы боп табылатын әрі тығыз физикалық денені кеулеп тұрған эфирлік (не энергетикалық) дене.

Осы эфирлік дене тығыз физикалық денеге эфир энергияларын беріп, қайраттандырып отырады. Эфирлік дене физикалық дене үшін қайрат беретін электр тоғы көзі іспетті. Эфирлік денеде 7 энергия орталығы бар (олардың орналасу реті 2-cызбада көрсетілген). Оларды «энергетикалық орталықтар» (не Ежелгі Шығыстың бір тіліндегідей «чакра», яғни «дөңгелек», «отты дөңгелек») деп те атайды. Бұлар жоғарырақ пландардың (әлемдердің) энергияларын қабылдап, адамның эфирлік денесінде («энергетикалық орталықтарында», яғни өз бойларында) оларды жинайды. Ол энергиялар сыртқы көрінеу физикалық дененің жұмыс істеуіне жұмсалады, көзге шалынбас сәуле боп сыртқы әлемге шашылады. «Энергетикалық орталықтар» (адам бойындағы бақ – құт көздері) адам денесінің қалыпты жұмыс істеуі үшін жауап береді. Жалпы, эфирлік дене – адамның нағыз физикалық денесі боп табылады, ал бізге көрініп тұрған физикалық денені эфирлік дененің көлеңкесі деуге болады.

Чакралардың 5-уі адам денесінде омыртқаны бойлай орналасып тұр (біз физикалық денеде емес, эфирлік денеде орналасып тұр деп отырмыз). Астрал денеде (яғни адамның сезім денесінде) де чакралар бар, олардың орналасуы эфир дене чакраларының орналасуына қарағанда сәл бөгделеу.
Эфир чакраларының 1-сі омыртқаның бітетін төменгі ұшында орналасқан. Мұны «түбірлі чакра» деп те атайды. Ол адамға өмір күшін беріп, физикалық тіршілікті қамтамасыз ететін энергияны жеткізіп тұрады. Ол қызыл түсті.
2-чакра (қарын чакрасы) жөнінде айтсақ, ол кіндік астындағы деңгейде орналасқан. Бұл чакра физикалық жасампаздық, яғни жыныстық энергия көзі боп саналады. Түсі – сәбіз бояуы тәрізді.

2-сызба Адам чакраларының орналасуы (бұл сызбаға интернеттегі сілтеме кейінірек беріледі,
Құдай қаласа.).

3-чакра (solar plexus не Күн түйіні) диафрагмадан төмен, төменгі қабырғалар арасы маңындағы омыртқа деңгейінде, қарын артында орныққан. Түсі – сары. Бұл чакра сана жұмысы, рационалдық (қисынды, логикалық) ойлау әрі психикалық түйсік (яғни, сезіну) қызметі үшін жауапты. Бұл орталық астрал дененің есеп бөлімі (бухгалтериясы) тәрізді – барлық астрал сезімдерді қоректендіруге жіберілер энергиялар осында бөлінеді.
4-чакра (жүрек чакрасы) екі емшек ұшын ойша қосар сызықтың қақ ортасы деңгейінде орналасқан (бұл чакралардың бәрі омыртқа бойын бойлай мекендейтінін ұмытпалық). Түсі – жасыл. Бұл – мейір мен барша тіршілікке деген Жаһани Махаббат орталығы.
5-чакра (өңеш чакрасы) тамақ деңгейі тұсында орналасқан. Түсі – аспани көгілдір. Бұл адамның бейнелеуші, шығармашылық, өнерпаздық қабілеті үшін жауапты.
Қалған екі чакра адамның басы аумағында орналасқан. 6-чакра («Үшінші көз») маңдай ортасында, екі қабақтың ішкі шетін ойша сызықпен қосса, осы сызықтың орта тұсы маңында орналасады (өз энергиясын осы тұста шоғырландырады). Оның реңі – көк. «Үшінші көз» даналық, көріпкелдік, жоғары шындықты тауып әрі оны тани білу қызметін атқарады. Бұл чакра арқылы адамның «Жоғары Мені» – яғни (Жоғарғы) Эго (Нағыз адам, Жан) – осы адамның тұлғасына (personality, личность) басшылық етеді. Жоғары пландар (көпөлшемді кеңістіктер) өмірін біздің планнан (3-өлшемді кеңістіктен) көру қабілетіне осы 6-чакра ие етеді…
7-чакра (тәж чакрасы) адамның қақ төбесінен сәл ғана жоғарырақ орналасқан. Әдетте күлгін (фиолет) түсті боп саналады. Бұл чакра арқылы физикалық әлемде Рухани Триада энергиялары меңгеріледі. Осы чакра Жер бетіндегі адам(зат) дамуының болашақта жетуі тиіс шыңы деуге тұратын деңгейдегі рухи энергиялармен жұмыс істейді. Адамдағы Мәңгіліктің қасиеттері – соның ішінде (с.і.) ажалсыздық – осы чакра жұмыс істей бастағанда ояна бастайды…
…Чакраларды жасанды жолдармен (мәселен, йогалық арнайы ауа жұту жаттығулары арқылы) қатты күштей отырып оятуға тырысу – адам өміріне, денсаулығына қатерлі нәтижелерге әкелуі мүмкін. Медитация (арабша тәфәккур не ой жүгірту, мысалы, сопылар медитациясы), рухи ілім жию және айналаңдағы ортаңа қызмет ету барысында оларды адам табиғатына зиян келтірмейтінде түрде оятуға болады…

(Жалғасы бар.)
Тереңірек түсіну үшін келесі сілтеме ашып, ондағы мақала астындағы пікір бөлімінен Нұрдың комментарийлерін оқыңыз:

https://kazislam.kz/tus-zhoru-durys-pa/
https://kazislam.kz/d-rys-d-a-zhasau-debi/
https://kazislam.kz/zhanga-hadis-zhinaqtary-zharyq-kordi/#comment-8037
https://kazislam.kz/qudajdyng-razylyghyn-qalaj-alugha-bolady/#comment-7352 https://kazislam.kz/zhanuarlar-adamnyng-kormejtinin-kore-me/
https://kazislam.kz/duniede-pajghambar-zhetpegen-qauymdar-bar-ma/#comment-7632 https://kazislam.kz/nege-quranda-pajghambardyng-s-gh-s-esimi-az-atalghan/
https://kazislam.kz/ne-ushin-pajghambardy-s-gh-s-habibulla-dep-atajdy/#comment-7636
https://kazislam.kz/islamda-ne-ushin-bilimnen-buryn-tarbie-qazhet/

НҰР КІТАБЫ: 1 – том. «Рух әлемдері» кітабындағы сызбалар туралы деректі ғаламтордан келесі сілтемелер арқылы алуға болады (тиісті ғаламтор парағы ашылғанда парақтың жоғарғы оң жақ шекесіндегі төмен бағытталған жебеше («стрелка») белгісіне компьютер тінтуірімен («мышка») екі рет басу керек).

https://drive.google.com/file/d/1SAkczBYr9qNTYBKSzuwyOw0wONXZZY3q/view?usp=sharing

НҰР КІТАБЫ. 1 том. 1 – сызба. АДАМ ҚҰРЫЛЫСЫ.jpg.