9-10 қарашада Қазақстан Республикасы Мәдениет және ақпарат министрлігінің жобасы аясында Петропавл қаласында «Дін мәселелері бойынша білікті мамандар даярлау» тақырыбында оқыту семинары өтті.
Іс-шара қазақстандық қоғамның дәстүрлі рухани-адамгершілік құндылықтарын қалыптастыруға, зайырлылықты насихаттауға, діни экстремизмнің алдын алуға, сондай-ақ дін саласындағы мемлекеттік саясаттың негізгі бағыттарын түсіндіруге бағытталған.
Оқыту іс-шарасына аудандар және Петропавл қаласы әкімдерінің әлеуметтік мәселелер жөніндегі орынбасарлары, аудандар мен Петропавл қаласы ішкі саясат бөлімдерінің басшылары, аудандар мен облыс әкімдіктерінің ТҚК хатшылары, облыстық құқық қорғау және арнайы органдардың өкілдері, облыстың түзеу мекемелері мен ҚМДБ филиалдарының теологтары, дін саласындағы қызметті жүзеге асыратын мамандар, облыстың ақпараттық-түсіндіру топтарының барлық деңгейдегі мүшелері шақырылды.
Іс-шараның спикерлері дін саласындағы жетекші сарапшылар болды:
Шакимова Лола Сергеевна –ҚР Бас прокуратурасының Құқық қорғау органдары Академиясының профессоры, сарапшы-психолог, Жақиянов Талғат Жәрдемқұлұлы – Назарбаев орталығының діни ахуалды талдау және мониторинг департаментінің директоры, әлеуметтану ғылымдарының кандидаты, Мырзаев Балғабек Әбдіқайымұлы – «Исламды зерттеу орталығы» ҚҚ директоры, PhD докторы, дінтанушы, Сейтқали Мирзада Шахманұлы – нейролингвистикалық бағдарламалау, психолог.
Семинар барысында қатысушылар тар мақсатты топтарда жұмыс істеудің жаңа әдістерін зерделеп, халықтың деструктивті діни идеологияға қарсы иммунитетін қалыптастыруға бағытталған практикалық дағдыларды алды.
Іс-шара соңында қатысушыларға әдістемелік брошюралар таратылып, оқу курсынан өткені туралы сертификаттар табысталды.
