Швецияның ізін ала тағы бір скандинавиялық ел – Данияда соңғы 3 күннің ішінде екі рет Құран өртелді. Кеше “Дат патриоттары” деп аталатын әсіреұлтшылдар ұйымы Копенгагендегі Ирак елшілігі алдында Құран өртеу акциясын өткізді. Одан бұрын өткен сенбіде олар әлеуметтік желіде тікелей эфирде қасиетті кітапты өртеген болатын.
“Дат патриоттары” ұйымы бұған дейін де исламға және мұсылман елдеріне тіл тигізіп жүрген топ. Бұрын олар Копенгагендегі Түркия елшілігі алдында түрік туы мен Құранды қорлаған болатын.
