Малайзия астрономдары ел мұсылмандарының намаз оқығанда құбыла бағытын дұрыс тауып жүргендігін тексеру үшін зерттеу жүргізіп, күтпеген қорытындығы келді. Жергілікті халықтың біраз бөлігі намазды басқа бағытқа қарап оқып келген. Бұл туралы New Straits Times басылымы жазды.
Селангор астрономдар қауымдастығы 20 000 үй мен ғимараттардағы құбыла бағытын көрсететін белгілерді тексеріп көрді. Сөйтсе 2000 үйдің белгісі қате бағытты көрсетіп тұрған, тіпті кейбірі 180 градусқа басқа жаққа қарап тұрғаны анықталған.
“Олардың бәрі компастың немесе онлайн қосымшалардың көмегімен орнатылғанына қарамастан, 2000 белгі қате болып шықты” дейді қауымдастық басшысы Абдул-Латип Ибрахим. Оның айтуынша, кейде адамдар Қағба бағытының белгілерін жергілікті мешіттің бағыты бойынша орнатады. Алайда қателік жіберу салдарынан намаздарын басқа жаққа қарап оқып жатады.
