Сұрақ: Ислам – дәстүр ме әлде өмір сүру салты ма?
Жауап: Исламды дәстүр деп тану үлгісі Кеңес өкіметі дәуірінен қалған түсінік. Негізінен бұлай ойлайтын адамдардың басым бөлігі сол дәуірде тәлім алғандар немесе исламды жақыннан танымаған, дұрыс зерттемеген азаматтар болып келеді.
Мұндай кісілердің пікірінше ислам белгілі жағдайларда орындалуы тиіс немесе сақталуы қажет рәсімдер ғана. Мысалы, үйленген уақытта имамның алдында неке қию, бала туылса азан шақырып ат қою, қайтыс болғанда жаназа шығару, наурыз мейрамында ұлттық киім киіп құран оқу, бата беру сияқты т.б.
Ислам мұнымен шектелмейді, ислам – өмір сүру салты. Ислам – қоғамда, қоршаған ортада [экология, жануарлар әлемі], отбасында, ағайын-туыспен тіпті жалғыз қалған уақытта да дұрыс жүріп-түру, мәміле жасау, амал ету, сөйлеу, киім кию және т.б. дүниелерді қамтыған этикалық әдеп нормалары көрсетілген өмір жолы.
Жалғас САДУАХАСҰЛЫ
