Павлодар облысы, Ақтоғай ауданы, «Жандарбек» атындағы мешіт жанында шағын футбол алаңы ашылды. Бұл спорт алаңы осы ауылдың тумасы Нәжмиденов Берік Төлеутайұлы және аудан мешітінің имамы Ахметолла Жандарбекұлы Қожахметовтың бастамаларымен және кәсіпкерлердің демеушілігі арқасында бой көтерді.
Бұл алаң балалар жылына сыйлық ретінде ашылып отыр.
– Алдағы уақытта бұл жерді әрі қарай абаттандыратын боламыз. Аудан басшыларымен бірлесіп балалар ойын алаңы мен тренажерларды орнатуды қолға аламыз. Бұл алаң мешіт жамағатына, ауыл тұрғындарына, оқушы балаларға тегін қызмет көрсетіп, сүйікті спорт түрлерімен айналысуға мүмкіндік береді. Спорт нысаны болашақ еліміздің өскелең ұрпақты имандылыққа, отансүйгіштікке, салауатты өмір салтын ұстануға талантты ұл-қыздарды тәрбиелейтін орын боларына сенемін, – дейді аудан имамы Ахметолла Жандарбекұлы.
