Маңғыстау облысы Қарақия аудандық ішкі саясат және тілдерді дамыту бөлімінің мемлекеттік әлеуметтік тапсырысы аясында 2022 жылдың 26 тамыз күні құқық қорғау қызметкерлері арасында «Діни экстремизм мен радикализмнің алдын алу» тақырырыбында семинар өтті.
Семинарды Республикалық ақпараттық-түсіндіру тобының мүшесі, «Отпан» Ақпараттық-түсіндіру және оңалту орталығының директоры Азамат Тулепов жүргізді.
Шара барысында «Діни сауаттылықты арттыру және діни радикализм қаупін ажыратуға бағытталған» тесті семинарға дейін және кейін алынып, алғашқы тестті алу кезінде қатысушылар 15% дұрыс жауап берген болса, шара соңында көрсеткіш 85% өсті.
Деструктивті діни ағымдардың белгілері, олардың діни кошбасшылары, сондай-ақ радикалды идеологтардың дәрістерінде көп қолданылатын «бидғат, такфир, мүшрик, ширк» сөздерінің дәстүрлі ислам тұрғысынан дұрыс анықтамалары берілді.
Сонымен қатар салафизм ағымының мадхали және такфир бағыттары бойынша кең көлемде ақпарат беріліп, семинар жұмысы слайд форматында өтті.
Діни радикалдану – қоғам, мәдениет, ғылым-білім мен өнерден ажыраған кезде бірден пайда болатын құбылыс екені жеткізлді.
Шара соңында қатысушыларға Отпан орталығы тарапынан «Діни экстремизм мен радикализмнің алдын алу» тақырыбында сертификат табысталды.
