Террористік әрекеттердің азаюына қарамастан, Еуропалық Одақта терроризм қаупі жоғары деңгейде сақталуда, деп Еуропалық Одақтың Европол полиция қызметі мәлімдеді. Бұл туралы BNN-NEWS.RU сілтеме жасай отырып «Терроризмге қарсы комитет» РҚБ ресми сайты хабарлайды.
Еуроодақтағы 2022 жылғы терроризм саласындағы жағдай мен тенденциялар туралы Еурополдың 13 шілдеде Гаагада таныстырған баяндамасында қауіп негізінен жеке лаңкестер, сондай-ақ әсіре оңшыл экстремистер тарапынан төнетіні айтылған .
Хабарламада лаңкестіктің ЕО үшін нақты және күрделі мәселе екені расталады, деп атап өтті атқарушы директор Кэтрин де Болль.
«Геосаяси өзгерістер жағдайында ЕО терроризмге қарсы шараларды бұрынғыдан да артығырақ қолдауды жалғастыруы керек. Eуропол алдағы қиындықтарға төтеп беру үшін серіктестерімен тығыз жұмыс істеуді жалғастырады».
2021 жылы ЕО тергеушілері 15 лаңкестік әрекетті тіркеді, оның ішінде сәтсіз немесе алды алынған. Бұл 2020 жылмен салыстырғанда аз, сол жылы 57 лаңкестік әрекет пен теракт жасау әрекеті тіркелге», — делінген хабарламада.
Өткен жылы лаңкестікке күдікті 388 адам ұсталды, оның үштен екісі Австрия, Франция және Испанияда жиһад лаңкестік әрекетіне қатысы бар деген күдікпен ұсталды. 2020 жылы 449, 2019 жылы 723 адам ұсталған.
Сондай-ақ баяндамада 2021 жылы интернеттегі терроризмді насихаттау COVID-19-ға қатысты тақырыптарды көрсетуді жалғастырғанын көрсетеді.
Еуропалық Одақ пен блокқа кірмейтін көптеген елдерде пандемияға және үкіметке қарсы дәстүрлі зорлық-зомбылық экстремизмі мен терроризмге қатысы жоқ жаңа экстремизм түрі пайда болды, делінген Eуропол мәлімдемесінде.
«Зорлық-зомбылық экстремизмнің бұл түрлері ашық қоқан-лоққыларға әкеп соғады, Интернетте өшпенділікке әкелетін жолдамалар және әртүрлі жағдайларда зорлық-зомбылық қолданылады», — делінген баяндамада.
Ауғанстандағы биліктің тәліптерге ауысуы Еуропадағы террористік қауіп деңгейіне әсер етпеді.
