Бүгін Маңғыстау облысы дін істері басқармасының ұйымдастыруымен жастар арасында «LECTORIUM» жобасы өтті.
«Отпан» ақпараттық-түсіндіру және оңалту орталығының төрағасы, РАТТ мүшесі Азамат Нұғманұлы Ақтау қалалық жастар орталығында өткен іс-шарада белсенді жастарға тарих, ұлттық құндылықтр және дәстүрлі ислам туралы сұрақтар қойып, қатысушылардың бақтарын сынады.
Жобаға қатысқан белсенді жастар тарих, ұлттық және рухани тақырыптағы сауалдарға жауап берді. Ұшқыр ой зеректігі мен діни сауаттылықтары сыналды. Ұйымдастырушылардан құралған әділқазылар алқасы жеңімпаздарды анықтады.
Нәижесінде «LECTORIUM» жобасына қатысып, сұрақтарға нақты әрі дұрыс жауап берген азаматтарға интеллектуалды және мотивация бағытындағы кітаптар табыс етілді.
Сонымен қатар «LECTORIUM» жобасынан кейін РАТТ мүшесі Азамат Нұғманұлы жастар арасында «Бүгінгі дін» тақырыбында слайд форматында семинар-тренинг өткізіп, жастардың түрлі сұрақтарына жауап берді.
Семинар соңында РАТТ мүшесі Азамат Тулепов семинарға қатысушыларға: «Қазақтың салт-дәстүрін құрметтеу, ұлттық құндылықтар мен дәстүрлі исламды ұштастыра алу қоғамды алға жетелейді. Бұл өз кезегінде еліміздегі діни ахуалдың жақсаруы мен дұрыс бағытта ілгерілеуіне септігін тигізеді», – деді.
