Ибраһим (ғ.с.) пайғамбар отқа тасталатын уақытта бір құмырсқа аузына су толтырып, отты сөндіруге кетіп бара жатқан көрінеді. Бұны көрген басқалары құмырсқаға:
– Сен отқа да жақындай алмайсың ғой, мына аузыңдағы сумен отты қалай сөндірмексің? – дейді.
– Әрине, сөндіре алмаймын, сөндіре алмайтынымды өзім де білемін, – дейді құмырсқа.
– Ал, онда неге тасып жатырсың?
– Өзімнің кімнің жағында екенімді білдіріп жатырмын. Мен отты жағып жатқандардың қатарында емес, сөндіріп жатқандардың жағындамын, – деген екен құмырсқа.
Алланың әмірімен сөнетін от сөнді. Ибраһим (ғ.с.) пайғамбар аман шықты. Болатын нәрсе болды. Өтетін сынақ өтті. Бірақ сондай уақытта сен кіммен бірге болдың, қайда болдың, дұғаң кімге еді, күш қуатыңды қайда жұмсадың, мәселе осында?!…
Дайындаған – Тұрар ТҮГЕЛҰЛЫ
