Мысырдың интернет кеңістігінде белгілі мұсылман уағызшысының елдің түрме жүйесіне қатысты айтқан сөзіне қатысты қызу пікірталастар орын алуда.

Шейх Халед әл-Генди мысыр телеарнасындағы бір діни ток-шоуға шақырылып, ол жерде елдің Ішкі істер министрлігі Әлеуметтік қорғау департаментінің мұсылманша жаңа жылға орай ұйымдастырған мерекелік шарасына қатысқаны туралы айтты.

Мысырда аталған Әлеуметтік қорғау департаменті мұқтаж жандарға әлеуметтік жәрдемақы төлеумен емес, түрмелер ісімен айналысады екен. Шейх әл-Генди ел билігінің түрмелерге қатысты саясатын толық өзгерту жөніндегі бастамаларын мақтап, бұдан былай аталған мекемелер қылмыскерлерді қоғамнан оқшаулайтын «түрме» емес, «қонақтарды қабылдауға» арналған «әлеуметтік қорғау бөлімшелері»  деп аталатынын айтып өтті.

ТАҒЫ ОҚЫҢЫЗ:  Мұхтар Шахановтың ұлы Рауан Шаханов көз жұмды

Шейх әл-Генди бұдан былай түрмелерге «отель және курорт» ретінде қарап, адамдарға өздерінің әлеуметтік орындарын табуға көмектесетін мекеме ретінде баға беру керек деді.

Оның сөзін жергілікті жұртшылық әртүрлі қабылдап жатыр. Көп адам абақтыға қамалған саяси тұтқындардың өлімін еске салып, түрмелерді «курорт» деп атауға мүлдем болмайтынын алға тартуда.

Айта кетсек, Мысырдың бұрынғы басшысы Мұхаммед Мурси де түрмеде жатқан жерінде қайтыс болған еді.

Пікір жазу