Сұрақ: Жамағат намазында сапты не үшін түзеу керек?
Жауап: Мешітте имамға ұйып жамағат болып намаз оқу – сауапты амалдардан. Жамағат намазына тұрған кезде сапты түзу сақтау қажет. Бұл намаздың дұрыс болуы мен көркі саналады.Сапқа тұрғанда иық пен иық, тіреле тұрып, ешбір бос орын қалдырмай бір сызықты бойлай тіп-тіке болуы қажет. Ал егер екі адам болса, бірі имам болып, екіншісі имамның оң жағына сәл шегініп, өкшесі имамның өкшесінен кейінірек тұратындай етіп тұрады.
Саптың арасында адам сыятындай немесе одан да үлкен бос орындар қалмауы керек. Мешіттің ішкі тәртібіне бағыну Сапқа тұрғанда иық пен иық, табан мен табан тіреле тұрып, ешбір бос орын қалдырмай бір сызықты бойлай тіп-тіке болуы қажет. сауапты істерден.
Саптың дұрыс болуы жайлы көптеген хадистер бар. Пайғамбарымыздың (с.а.у.) хадисінде: «Саптарыңды түзеңдер, расында саптарды түзету намазды толықтырады», десе, тағы бір хадисінде: «Сапты түзеңдер! Иықтарыңды бір қатарға келтіріңдер! Мұсылман бауырларыңның түзеткен қолдарына қарсы шықпаңдар. Бос жерлерді жабыңдар да шайтанға саңылау қалдырмаңдар», деген.
Демек, жікке бөлінбей, имамға ұйып сапты сақтау, саналы мұсылман адамның ісі екен.
Икрам АЙТАЕВ
