Көкшетаулық имам Науан бауырымыз мына ғажайып оқиғаны айтып берді:
«Кезінде Көкілташ медресесінде сабақ беріп жүрген ұстаз, сабақ беріп жатып, аяқ астынан біраз мезет өткен сайын, орнынан екі-үш мәрте тұрғанын шәкірттері көреді. Кейін шәкірттері:
«Ұстаз, Сіз бүгін орныңыздан қайта-қайта тұрып, ерекше қимыл жасадыңыз ғой. Мұның мәнісі неде?» деп сұрайды.
Сонда ұстаз: «Менің ұстазымның төрт-бес жасар баласы бар еді. Сол біздің медресеге бүгін келіп, мен дәріс беріп жатқан бөлмеге екі-үш мәрте басын сұғып қарады. Сол себепті ұстазымды және оның ұрпағын құрметтеп орнымнан тұрған едім» деп жауап берген екен».
Расында, ғибрат аларлық оқиға.
Алла баршамызды ұстаздарымызды және оның ұрпақтарын да сыйлай алатын қауым болуға жазсын!
Қуат ҚАБДОЛДА
