Сұрақ: Қағбадағы қара тасты сүю парыз па?
Жауап: Исламдағы бес парыздың бірі – қажылық. Үлкен қажылық зул-хиджа айының белгілі күндері орындалады. Ал, умра ғибадатына жылдың кез келген уақытында баруына болады.
Умраға саяхат немесе құлшылық мақсатында түрлі елдерден келген адамдар халықтың тығыздығына қарамай, Меккенің бұрышында орналасқан қара тасты (Хажарул Асуад) сүю парыз амалдардан деп, итеріс-тірестен көпшіліктің қысымына ұшырайды. Мұндай әрекеттерге бару шариғаттың талабына кірмейді. Қара тасқа бару мүмкіндігі болмаса, алыстан қолын көтеріп, ишара жасауы жеткілікті. Мүлде ишара да жасай алмаса күнә жоқ.
Қара тасты сүю, қажылықтың парыз немесе уәжіп амалдарына кірмейді. Ол сүннет амал. Қара тастың тарихы мен қасиеті жайлы көптеген хадис келген. Қасиетті жерге барып бұйырылған амалдарды орындауда көптеген сауаптар бар.
Икрам АЙТАЕВ
