Сұрақ: Күмәнді нәрселерді ойлау күнәға апара ма?
Жауап: Исламда күмәнді нәрселер пайда болса, одан арылудың қажеттілігі айтылған. Арабтың «шубуха» сөзі күмән деген мағына береді. Адам өмірде харам мен адал мәселесінде түрлі ойларға баруы мүмкін. Сайтан, нәпсі адамның ойына барынша күмән салып азғыруы кәдік. Мұндай жағдайларда жақсылықты ниет етіп, дұға ету қайырлы.
Барынша харам заттар мен амалдардан алыс болғанымыз абзал. Себебі, харамға барудың түбі жүректі қарайтып, түрлі жаман ойларға жетелейді. Оның салдары отбасының берекесін кетіріп, тақуалығына нұқсан келтіреді.
Пайғамбарымыз (с.а.у.) хадисінде: «Шындығында, ненің халал, ненің харам екені анық. Алайда осы екеуінің ортасында адамдардың көбі не адал, не арам екенін жете біле бермейтін күмәнді нәрселер де бар. Ендеше, кімде-кім осындай күмәнді нәрселерден бойын аулақ ұстаса, діні мен ар-намысын кірлетпей сақтап қалады…» деген.
Демек, күмәндардан арылып, жүрекке тыныштық сыйлау абзал іс екен.
Икрам АЙТАЕВ
