Атақты Мәулана Жәләләддин Румидің дәрісін тыңдауға басқа дін өкілдері де көптеп келеді екен.
Бірде бір сақалы аппақ болған қарт монах алдына келіпті. Үстінде қап-қара монах киімімен тұрыпты. Оны көрген Мәулана оған:
«Сіздің сақалыңыз үлкен бе, әлде сіз үлкенсіз бе?» деп сұрапты. Ол: «Мен үлкенмін. Мен одан жиырма жыл бұрын дүниеге келгенмін» деп жауап беріпті.
Мәулана оған: «Сақалыңыз сізден бұрын нұрланған екен» деп айтыпты. Сол мезетте монах шәһадат сөзін айтып, иманға келіпті. Мәулана кетейін десе, ол қатты иіліп сәлем беріпті. Мәулана да одан төмен иіліп, әлгі адам бойын түзегенше, сәлем беріп тұра беріпті.
Шәкірттері мәнісін сұраса: «Мен оған кішіпейілдік әдебін бізден үйренсін деп, дәріс бердім» деген екен.
«Ұлық болсаң, кішік бол» дегеніміз осы ғой.
(Тасауыф дәрістерінен)
Қуат ҚАБДОЛДА
