Сұрақ: Астана қаласында діни сауат ашу курстары бар ма?
Жауап: Еліміздегі көптеген облыстық, аудандық, қалалық мешіттер жанынан көпшілікке арналған діни сауат ашу курстары ұйымдастырылады. Сонымен қатар Қазақстан мұсылмандары діни басқармасының қолдауымен, ата-аналарының келісімімен мектеп жасындағы балалар үшін жыл сайын жазғы күндері діни сауат ашу курстары ұйымдастырылып, жұмыс жүргізіледі. Биылғы «Дін мен дәстүр» атты курстардың мақсаты – Алланы таныту, имани тәлім-тәрбие, дін мен салт-дәстүрдің сабақтастығын түсіндіру, отанға деген сүйспеншілігін арттыру.
2024 жылдың жаз айларында Астана қаласындағы «Әзірет Сұлтан», «Әл-Фараби», «Райса Ана», «Ар-Рахман», «С.Ғылмани», «Ырыскелді Қажы», «Көктал, «Әлжан Ана», «Ақ-мешіт», «Әл-Ғани», «Шейх кунта қажы», «Төлебай», «Әс-Салам» мешіттерінде діни сауат ашу курстары жүргізіледі. Қосымша ақпаратты Астана қаласы бойынша ұйымдастырушы орталық Әзірет Сұлтан мешіті, Тәуелсіздік даңғылы №48 мекен жайында орналасқан. Байланыс нөмері: 87172422455.
Икрам АЙТАЕВ
