Сот Волгоград облысының тұрғынын Сириядағы лаңкеске ақша аударғаны үшін 8,5 жылға үкім шығарды, жазасын қатаң режимдегі колонияда өтейді , — деп хабарлайды РИА Новости аймақтағы ФҚҚБ баспасөз қызметіне сілтеме жасап. Бұл туралы «Терроризмге қарсы комитет» РҚБ ресми сайты жазады.
Ведомствоның мәліметінше, Волгоград облысы бойынша ФҚҚБ қызметкерлері жедел іс-шаралар барысында ер адамның Сирияда жүрген «Хаят Тахрир Аш-Шам» * террористік ұйымының мүшесіне ақша аударғанын анықтады. Оның үстінен қылмыстық іс қозғалды.
«Сот «…» кінәлі деп тауып, оған қатаң режимдегі колонияда жазасын өтеумен 8 жыл 6 ай мерзімге бас бостандығынан айыру жазасын тағайындады, оның 2 жыл 6 ай түрмеде отырды», — делінген ФҚҚБ хабарламасында.
Қорғаушы тарап Оңтүстік әскери округтік сотының үкіміне шағым түсіргенімен, Мәскеу облысының әскери соты шағымды қабылдамады. Үкім заңды күшіне енді.
* Хаят Тахрир аш-Шам (Тахрир аш-Шам, ХТШ) – Сириядағы азаматтық соғысқа қатысатын радикалды салафиттік топ. Ол 2017 жылдың 28 қаңтарында Джабхат Фатех аш-Шам (бұрынғы ән-Нусра майданы, Қазақстан Республикасының аумағында тыйым салынған ұйым), Ансар ад-Дин майданы, Джейш әл-Сунна, Лива әл-Хақ және Нур ад-Дин әл — Зенкидің бірігуі нәтижесінде құрылған.
